Bilatu

Hurrengo txangoak

Arantzako Zirkoa gailur andana bat da. Haietako askok 1000 metrotik gorako altuera dute, zirkulu bat eratzen dute Arantza herriaren inguruan.Proposatzen dugun ibilbidean haietako lau gailurretara igoko gara. Hori bai, ezagunenak dira.Zirkuitu osoa 20 Km-koa izango da eta 1.300 metroko desnibel metatua du.
Hau da Nafarroan egin ahal diren ibilbide gomendagarrienetako bat.
Arantza herri isolatu bat da, mendi arranditsuen artean kokatua, Bidasoa Haranetik gertu, Nafarroako ipar-ekialdean.


Ibiltzen hastea aurreikusten dugun bidea herriko aparkalekuan hartzen da, eta hilerrirako norabidean joango gara.Bide zuzena adieraziko diguten marka horiak, berdeak eta zuriak ikusiko ditugu
Hilerria pasa eta berehala, naturaren bete-betean egongo gara. Paisaia berdeak urte osoan eta baso hostotsuak eta mota guztietakoak izango ditugu inguruan.
Bideari jarraitzeko, nahikoa da marka hori-zurietan arreta jartzea. Mendaurrera eramango gaituzte; berde-zuriek beste bide batera eramango gaituzte.
(1h 5m) Gailurren lerrora iritsiko gara eta handik Arantzako haranaren beste aldea ikusi ahalko dugu.Orain, berde koloreko alfonbra batetik aurrera egingo dugu, plazer hutsa da toki horietatik ibiltzea.
Pixka bat beranduago, bideak ezkerretik jarraitzen du eta estutu egiten da. Mendieder zeharkatzen du eta Buztin mendixkara eramango gaitu.

(1h 45m) Buztin mendixkan, nazkagarri batek serigrafiatu duen cromlech bat aurkituko dugu.Mendaur eta Mendieder puskak bereizten dituen tokiaren ondoan gaude.Lehendabizi Mendaurrera igoko gara.Zuzenean igo ahal gara edo, bestela, sigi-saga doan bide erosotik igo ahal gara. Bide horretatik, Mendaurren gailurrean dagoen Trinitate ermitaraino iristen diren harrizko eskaileretaraino (2h 10m).


Luzatu gabe, Buztin mendixkara itzuli eta Mendiederrera igoko gara, bide zuzenetik (2h 40m). Gailurrean, postontzi txiki bat aurkituko dugu).Handik Arantzako zirko osoa ikusteaz gain, Aiako Harria (IM) eta Larun (IE) bezalako gailurrak primeran ikusten dira.
Orain berde koloreko beste alfonbra batetik ibiltzea tokatzen zaigu: Mendieder-Ekaitza lerrotik.Oso azkar egingo dugu bata bestetik bereizten duen distantzia, eta malda motz baten o9ndoren, Ekaitzaren gailurrera iritsiko gara (3h 20m).


Eguneko azken gailurrera igotzeko, Ibintzara, altura galdu beharko dugu geroago galdutako metroak berriro igotzeko.
Ibintzaren gailurrean ez dugu gailurra seinaleztatzen duen inolako elementurik (4 h).
Ibinitzatik mendilerrotik jarrai genezake Arantzako zirkoaren bira osoa egiteko, baina hori egin beharrean, jaitsi egingo gara aurrean daukagun malda aldapatsutik eta basoan eramango gaituen bide batera iritsiko gara, eta handik, zementuzko beste bide batera iritsiko gara.Zementuzko pista horretatik ibilgailu motordunak iritsi ahal dira mendietara eta oso azkar jaitsi ahal izango gara. Arantzara iritsi aurretik bide mordoa aurkituko dugu. Dena den, ezinezkoa da galtzea Arantza herria une orotan ikusten delako. Nahikoa da ongi orientatzea eta azkenean ibaia zeharkatzen duen zubixkatik pasa, herriaren beheko aldean, eta azken igoera txikia egingo dugu herrira iristeko.